仲有半日,有咩地方好去?

係 T-Life 打工半日之後,兩點幾鍾開始就自由時間,仲有4-5個鍾先日落,可以到既地方其實都幾多,我當然唔放過機會同一齊打工既小幫手去曬佢啦~~~

呢度就按我自己既喜好排名,為大家介紹幾個鍾意既地方。

*剛Check-in 既客人得果半日都有’掟’去~

 

第一位,個人高度推薦 : T-Life 暖桌

T 暖桌.jpg

打工既日子,台中龍井區凍到乜咁,學習到一張暖桌能夠帶來無比既幸福。

亦可以買定飯餸,用下T-Life 既靚靚廚房整下野食一齊食~

 

第二位:轉角樓上 – 甜點咖啡店

dessert-4每一段日子就會忍唔住要去行下,又方便又正既,就係去T-Life 旁邊的樓上咖啡店~

店長小姐製作甜點好用心,Yogurt 蛋糕、朱古力味道唔係精油味,而係足料全手工製造。

而且氣氛舒服溫暖,配上好味道既甜品同咖啡,差啲就可以取代T 既耍廢排第一。

 

第三位:廢墟+ 宮原眼科 / 一中夜市

廢墟亦係我非常喜歡既地方,兩次都分別探索到不同地區域。

同伴唔同左、探索既氣氛都會好唔一樣

好有係都市小歷險既感覺~

由T-Life 出發約 45分鐘到達,時間約晏就 3-4點,

探索大樓時間可長可短,覺得唔好玩,上一上 落一落,快快望下一個小時其實都可以

一但玩開了,記得玩到日落先係影相最佳時機~

落樓就可以到對面既宮原眼科

經設計師將舊式眼科大樓保留,再加建,組合成復古與現代感混合既紀念品店

坐公車上幾個站就到一中夜市附近,吃貨朋友可以大’拆’一餐!

第四位:路思義教堂 (東海大學)

路思義教堂係著名建築師貝聿銘(即係起中銀果個,羅浮宮都有份搞下架 : )同台灣建築師陳其寬既作品。後來知道佢係60年代起好,真心佩服佢50幾年前已經咁前衛。

穿過入口竹林,一路行都係大學既樹林河邊,唔知係度讀書既朋友係未都特別有氣質啲?

精選舒適半天去處,大致上係呢四位~~~~

其他仲有高美濕地(遠少少咁)、九天黑森林(真係好黑,夠光先好去)、綠化園區(獨立書店很多~~)、上山睇雲海同日出、去茶室飲茶之類,個人覺得比較o岩訓足先去瘋狂 X X。

總之台中真係好多野食好多舒服既地方,唔趕時間就最岩玩~

*去玩前記得下載定 台中公車APP 同U-bike APP  登記定張悠游卡/信用卡呀!

Leave a Reply